કાગળ વીણતી કન્યાનું ગીત

ખોવાઇ ગઈ સું હું તો  ગોતું સું ક્યારની

જડતું  નથી ન મન રોતું

લોકો કહે સે  ઓલી કાગળમાં ગંધાતી એંઠનાં

કાગળ મઅ આયખા ન ગોતું.

ભૂખરી ન મેલીઘેલી વાળની લટ્ટુમાં

વાલપથી  આંગળી પસવારે

ગળાના હમ અમે ખાતા’તા એકમેક

ડુંગળી ન રોટલો હારે.

સરગની પૂતળી કે’તો રમાંણયો ન

મરક મરક  મોઢું મલકાતું

કાગળ મઅ આયખા ન ગોતું.

કચરાનો ઢગલો સ બાપ મારો

અનઅ પલાસ્ટીકની થેલી સ મા

દુકાનનો વેપારી દસમાન સ મારો

ત્યાં જાઉં નઈ  કોઈ દિ ખમ્મા.

બચકો બતઈ  ન બાયણામ  

પિત્તો ફાટ અ ન   હચમચી જઉ ચિત્કારે

બે કાગળના ડુચ્ચામઅ  સોદો કરઅ

ઇનઅ કોરુંકટ જોબનીયું જોતું

લોકો કહે સે  ઓલી કાગળમાં ગંધાતી એંઠનાં

કાગળ મઅ આયખા ન ગોતું.